Berglind Arndal

2003-06-03T14:11:00.000-07:00

Þetta ætlar að verða strembið sumar, sýnist mér á öllu. Námskeiðin í sumar eru nokkuð spennandi en það verður alveg nóg að gera. Ég ætla nú halda mig við það frí sem ég var bún að segja niður í sumar og vinna svo það sem upp á vantar eftir endurhleðslu á líkama og sál.

2003-05-26T12:37:00.000-07:00

Nú hefst streðið á ný. Fékk að komast inn í áfangann Nám og kennsla hjá Láru Stefáns, ég er alsæl með það. Var búin að skrá mig í vettvangsnám en ákvað síðan að geyma það örlítið. Ég ætlaði að setja kynninguna mín inn hjá Láru í dag, á WebCT, en þegar inn var komið var ég svo mikill "lonler" að hálfa væri nóg. Ekkert er sjáanlegt og ég ein að ráfa um. Þetta reddast vonandi sem allra fyrst og ég slæst í hópinn.
Lokaverkefnið mitt gekk vel og hópurinn sem ég starfaði með var frábær. Já þá heyrið þið það stelpur, gaman og notalegt að vinna með ykkur!!!

2003-05-20T13:30:00.000-07:00

Nú er ég búin með verkefnið mitt. Eina sem er að pirra mig er að ég kem ekki PowerPoint glærusýningunni minni út á vefinn, sem er undir linknum "kennsluefni á vef". Fæ allta upp villumeldingu um FTP-error occurred. Ef einhver veit hvað þetta þýðir þá endilega látið mig vita.
kv.
Berglind

2003-05-19T05:11:00.000-07:00

Vorum saman hér upp í skóla, Hólabrekkuskóla, að vinna að verkefninu okkar. Nú getum við farið að skila. Ég þarf að vísu að lesa betur yfir hjá mér og lagfæra nokkra smáhluti. Annars er þetta komið.

2003-05-15T14:25:00.000-07:00

Ég get ekki betur séð en ég sé að hafa þetta af. Er að fínpússa til það sem kann og get gert og er bara nokkuð ánægð með útkomuna

2003-05-14T08:36:00.000-07:00

Jæja við fórum til Grindavíkur í gær og unnum lengi fram eftir kvöldi í lokaverkefninu okkar. Við erum nú að verða búnar og ætlum að hittast á sunnudaginn og fínpússa hlutina. Frú Mogensen tók höfðinglega á móti okkur. Þegar við vorum orðnar þreyttar og svangar fórum við heim tíl Kristínar og fengum alveg frábæra súpu. Kristín lofaði okkur uppskriftinni af henni svo nú er að fylgjast með þegar uppskriftin kemur á vefinn. það verður enginn svikinn af þessari súpu.

2003-05-11T04:26:00.000-07:00

Eins og svo margir aðrir sat ég spennt yfir kosningasjónvarpinu í gær. Þegar leið á nóttina fór ég að ókyrrast og settist fyrir framan tölvuna og byrjaði að spá meira í verkefnið mitt. Þetta verð til þess að ég stóð ekki upp fyrr en kl. 04:00. Þá var kosningasjónvarpið enn á fullu. Ég ákvað að þetta gegni ekki legnur og fór í rúmið. Þegar ég vaknaði svo kl. 09:00 í morgun kom í ljós að síðustu tölur voru að birtast sem réðu endanlegum úrslitum. Það hefði sem sagt ekkert þytt fyrir mig að vaka yfir þessu.

2003-05-10T10:56:00.000-07:00

Nú er ég farin að sjá fyrir endann á lokaverkefninu. Við, sem vinnum verkefnið saman, höfum verið mjög duglegar að vinna og hittast. Við hittumst síðast í dag í KHÍ og unnum mjög vel. Það þótti okkur mjög gott og þarft að gera. Vinnugleðin var orðin svo mikil hjá okkur að ef starfsmenn bókasafnsins hefðu ekki hent okkur út, vegna lokunnar, þá værum við þar kannski enn. Við ætlum að reyna að skila á þeim tíma sem upphaflega var lagt til, 15. maí. Við hödlum okkur við það þangað til annað kemur í ljós.

2003-05-01T13:18:00.000-07:00

Er búin að sitja við að vinna lokaverkefnið í allan dag. Mér miðar svo sem ágætlega áfram en þetta er ótrúlega mikið verk. S.l. þriðjudag hittumst við stöllurnar til að ræða enn frekar lokaverkefnið. Ég vona að við getum skilað því af okkur á réttum tíma, 15 maí. Annars kemur þetta altt í ljós.

2003-04-26T08:37:00.000-07:00

Jæja nú er orðið lant síðan að ég bloggaði síðast, tók mér páskafrí, algjör lúxus með tilheyrandi samviskubiti. Við stöllurnar, Kristin M og Guðrún Jóna, erum farnar að spá allverulega í lokaverkefnið. Hittumst fyrir helgi og lögðum línurnar. Við erum komnar aðeins í gang, það er voða góð tilfinning.

2003-04-12T07:21:00.000-07:00

Í gærkvödli fór ég í partý til Kristínar Steinars, það var mjög gaman og mikil þörf fyrir að setjast niður og spjalla um námið og sitthvað fleira. Takk Kristín að bjóða okkur heim!!! Skoðið endilega myndir sem Kristín tók.
Núna sit hér í tölvustofunni KHÍ og er að læra á Dreamweaver og Fireworks. Ég er alltaf að læra eitthvað nýtt sumt skil ég alls ekki en annað virðist vera nokkuð einfalt. Annars í augnablikinu þá hef ég mestar áhyggjur af því að myndirnar við vefleiðangurinn minn eru ekki inn á síðunni. Er að finna út hvað fór úrskeiðis.
Veðrið eru svo gott, mig langar út og komast í páskafrí. Ég ætla að taka mér smá frí frá náminu og byrja á fullu strax eftir páska. Annars á ég eftir að sjá mig standa við það.

2003-04-08T04:38:00.000-07:00

Ég skrapp til London sl. helgi. Þar er allt í blóma og hitinn rokkaði frá 15 -20 stig og sól. Það var svo gott að fá smá nasasjón af því hvernig vorið er. Ég er er farin að þrá að fá betri tíð, þurrari. Þetta varð til þess að ekki vann ég neitt í verkefninu um helgina. Ég ætla að setjast við tölvuna í kvöld og byrja að gera eitthvað að alvöru. Er ekki rétt hjá mér að við eigum að vera búin að gera drög að kennsluvef, en ekki tilbúinn út á netið? Jæja ég ætla að gera það þannig. Það kemur þá eitthvað annað í ljós þegar ég mæti á staðbundnulotuna

2003-03-29T02:56:00.000-08:00

Í gær kóðaði ég inn athugun á netnotkun barna, erfið fæðing en gekk þó upp. Jæja, þetta er þá yfristaðið, langar samt að vita hvernig á að meta þessa vinnu hjá mér. Það kemur hvergi fram, þegar úrtökin eru skoðuð, hvað sé frá mér eða öðrum sem tóku þátt.
Næsta verkefni nálgast. Nú er bara að setjast niður og búa til PowerPoint glæru best að leggja hausinn í bleyti og upphugsa eitthvað snjallt.

2003-03-27T12:10:00.000-08:00

Æ, ég er búin að vera ódugleg að setja inn á bloggið. Nú er ég búin með rannsóknina hjá Sólveigu og á bara eftir að kóða hana inn. Geri það á morgun

2003-03-20T13:40:00.000-08:00

Það er engin blússandi gangur hjá mér í verkefni Sólveigar. Gengur hægt að fá bréf til baka frá foreldrum. Ætli ég endi bara ekki á því að hringja í þá.
Það er kannski helsta ráðið.

2003-03-16T16:17:00.000-08:00

Jæja, mér tókst að koma síðunni UT og ég yfir á ensku
Var búin að gera hana á íslensku fyrir helgi en breytti henni dálitið

Fór í leikhús í kvöld og sá Með fullri reisn. Alveg frábært leikrit, hló mikið og hafði gaman af. Ég mæli með því ef þið hafið hug á að fara í leikhús og sjá einhvern léttleika.

2003-03-15T05:25:00.000-08:00

Nú er ég búin að koma saman síðu um UT og ég
Þó er ég nú ekki búin að snúa henni upp á ensku. Það kemur í kvöld eða á morgun.
Hef einhvern veginn tapað tenglunum í fyrri skrif í dagbókina, veit ekki alveg hvort ég þurrkaði það hreinlega út eða hvað. Það getur kannski einhver sagt mér hvað ég að gera.
Textinn, sem kemur þegar ég ýti á post, áður en ég publisha honum er allur á kínversku eða einhverju einkennilegu letri (máli). Veit einhver hvernig á að laga þetta?

2003-03-12T15:36:00.000-08:00

Pistlar
Greinagerð til Láru Stefánsdóttur

Þegar við í fjarnámi áttum að fara til Akureyrar á UT2003, í staðbundna lotu, þá hélt ég vestur á bóginn á námskeið/ráðstefnu til Calgary í Canada og kynnti mér hvaða hugbúnað SMART Technologies Inc. framleiðir og einnig þann hugbúnað sem ég er að nota.

SMART Board frá SMART Technologies
Í Calgary sat ég fyrirlestra um rafrænar snertitöflur, SMART Board og hugbúnaði sem tengist þeim í almennri praktík og í kennslu.

SMART Technologies Inc. fyrirtækið er með höfuðstöðvar sínar í Calgary í Kanada. Tengiliðir fyrirtækisins sáu um að uppfræða umboðsaðila og starfsmenn þeirra um vörurnar.

Ég hef sjálf notað SMART Board töfluna í rúmt ár og er ánægður notandi. Að fara út til Kanada og hitta fólkið sem eru heilarnir á bak við vöruna var mjög fróðlegt og ánægjulegt.
Mig langar í þessum pistli að fræða ykkur um töfluna og þann hugbúnað sem nýtist vel í kennslu.

SMART Board töflur eru “rafrænar töflur” sem tengdar eru við tölvu. Myndin varpast fram með skjávarpa. Sú tafla sem skólarnir eru að nota eru hengdar upp á vegg, og skjávarpi í loftið. Til eru töflur sem eru inni í “skáp”. Í skápnum er allt til staðar s.s. video og skjávarpi. Þær töflur eru með 67” skjástærð.

Kostir. Töfluskjárinn virkar alveg nákvæmlega eins og tölvuskjár, allar aðgerðir eru gerðar með fingrinum, og virkar fingurinn sem tölvumús. Kennarinn þarf ekki að vikja frá hvítu töflunni, hann er alltaf til staðar fyrir framan nemendur og allar aðgerðir við innlögn á kennslu verða mjög sjáanlegar. Taflan er auðveld í notkun og þægileg.
Með töflunni fylgja “pennar” sem hafa eingöngu það hlutverk að skrifa með. Ekki er virknin í pennunum heldur í töflunni sjálfri. Nauðsyn pennanna er ekki mikil og skiptir ekki máli hvort penninn eða puttinn er notaður þegar skrifað er,
en er nauðsynlegt verkfæri þegar skrifa á fyrirmæli á töfluna eða gera hring
í kring um áhersluatriði.

Taflan er 72” stór, það þarf að stilla hana þannig að “lágir”kennarar nái upp í efsta horn. Minnisbókin (notebook) greinir ekki íslenska stafi, búið að þýða yfir á 12 tungumál. Vonandi verður hugbúnaðurinn þýddur á fleiri tungumál, þar á meðal íslensku !?

Hugbúnaður frá SMART Technologic Inc.

SynchronEyes
Er hugbúnaður sem keyrir með eða án SMART Board.
SynchronEyes er hugbúnaður sem tengdur er við kennara- og nemendatölvur. Samvirkni er þar á milli. Nemendur tengjast kennaravél “connect”, og geta breytt notendanafni, sem gjarnan er númers á tölvunni í nafnið sitt.
Kennarinn getur séð allar tölvur nemenda á skjánum hjá sér í einu og/eða varpað myndinni upp á hvíta tjaldið hjá sér, eða á SMART Board, sé hún er til staðar. Með þessu móti fylgist hann með öllum á einum stað og nemendur verða meðvitaðir um að fylgst sé með þeim. Oftast eru nemendur meðvitaðir um það. Í mínu tilviki þá læt ég nemendur alltaf vita ef ég er með SynchronEyes virkt.. Fleiri möguleikar, t.d. getur kennari varpað fram spurningu á allar nemendatölvurnar í einu og þeir svara á móti. Nemandi hefur möguleika á að varpa spurningu til kennara sem byrtist upp á kennaraskjáinn. Að lokum getur kennari lokað einstakri tölvu ef nemandi er ekki að fylgjast með eða stelast í miður góðar síður, eða annað sem hann á ekki að vera að gera.

Spjallarásir
Kennarinn getur flokkað nemendur í hópa, ef vill, og nemendur spjallað saman innbirgðis. Þetta er ákaflega skemmtilegur kostur, nemendur hafa gaman af spjalli, og enginn hætta á að einhver utanaðkomandi, með misgóðar hugsanir, þvælist inn á þeirra spjallsvæði.

Quiz - krossapróf
Quiz er hugbúnaður til að búa til krossapróf. Þar getur kennari búið til krossapróf sem tengist samtímis á allar tölvur, ef svo ber undir. Um leið og nemandi hefur þreytt prófið kemur niðurstaða á skjáinn.
Auðvelt er að hlaða inn einungis Quiz, í SynchronEyes pakkanum, inn á ferðatölvu og vinna prófið þar inn, tengja það svo inn á kennaratölvu/nemendatölvur í tölvuveri.

Smart Ideas
Er hugbúnaður sem hannaður er til að búa til flæðirit/skipurit
En sem kennari sé ég hann virka vel í að setja upp sem glæru með áherslupuntum, ekki ósvipað og gert er með hugarkortunum. Möguleikar í notkun eru skemmtilegir og vel hægt að gera ritið/glæruna myndræna Gæti hentað vel við undirbúning þar sem lesblindir nemenndur eru, fyrir utan að vera góð glósugerð sem flestir hafa gott af.

Framtíðarsýn fyrirtækisins er viðamikil, margt spennandi mun koma frá þeim á næstu mánuðum og verður fróðlegt að fylgjast með því. Þeir virðast hugsa mjög mikið um gildi hugbúnaðar inn í skólakerfið sem miðast að því að gera kennsluna þægilega og auðvelda. Ekki veitir af á þeirri tækniöld sem við lifum á í dag.

Þessi ferð var mjög fróðleg. Eins og kannski skín í gegnum greinagerðina þá er ég persónulega mjög hrifin af SMART töflunum og þeim hugbúnaði sem ég fjallaði um hér. Ég vona að þið séuð einhverju nær og hafi haft gagn og ánægju af lestrinum.

2003-03-12T14:34:00.000-08:00

Ef einhvern tímann hefur verið mikið að gera, þá er það núna. Það hrúgast inn verkefnin og allt á sama klukkutímann. Þetta verður annasöm ein og hálf vika. Gangi ykkur vel með þau, ég veit ekki alveg hvað á gera með greinarnar (Láru). Á að gera útdrátt eða hvað? Þetta er spennadi!!!!

2003-03-11T14:04:00.000-08:00

Já, alltaf er ég nú að uppgötva eitthvað nýtt í Dreamweaver. Fann einhverja flash takka sem ég setti allar krækju í, lítur miklu betur út svona. :-)
Litlir sigrar geta glatt ótrúlega!!!

2003-03-10T16:28:00.000-08:00

Teljarinn kominn á sinn stað. Sat í kvöld og lagaði síðuna mína aðeins til, greip niður í pistlana, braut heilann um vefleiðangur. Nú er að bretta upp ermarnar og setja síðuna yfir á annað tungumál (Arrgggg). Eintóm gleði og kátína. Ætla að koma mér í rúmið, klukkan komin yfir miðnætti. Góða nótt.

2003-03-09T14:24:00.000-08:00

Aldrei má maður nú hoppa af gleði. Ef eitthvað tekst vel, þá mistekst eitthvað annað. Ég sótti um að fá teljara, búin að setja hann á templatið og hvað gerist? EKKERT. Nú er klukkan orðin margt, ég er farin að sofa, í misglöðu skapi. Góða nótt

2003-03-09T12:53:00.000-08:00

Jæja eftir mikið streð og puð þá áttaði ég mig á því hvernig skyldi setja inn skilaboðaglugga. Ég hélt að nóg væri að afrita og líma en komst svo að því að það þyrfti að sækja sérstaklega um, og ég gerði það. Bara ánægð með þetta.

2003-03-09T09:57:00.000-08:00

Er að vinna að pislunum og vona ég að ég klári þá bara á morgun. Fór upp í skóla á laugardaginn og hitti þar nokkra félaga, það var svo gott að sjá ykkur allar. Eins gott líka að ég skildi drífa mig. Uppgötvaði að verkefnið sem Sólveig sagði okkur frá, á staðbundnulotunni, er víst skylda. Var búin að steingleyma því. Það er náttúrlega ekki gott að uppljóstra því svona á vefnum, en ég geri það nú samt. Jæja þá er bara að velja úr 4 krakka og fá leyfi til að fylgjast með þeim í starfi, "kóða" það svo inn á vefinn.
Hummmm, vefleiðangur, það er nú eitthvað sem ég þarf að leggjast alvarlega yfir og koma frá mér, ekki verra að reyna það á nemendunum og sjá hvort það virki. En fyrst er að finna efnið!!!!
Það er sem sagt nóg að gera framundan.

2003-02-28T07:59:00.000-08:00

Jæja búin að setja upp drög að persónulegum vef, gerði smábreytingar, er enn að læra á forritið. Er nokkuð sátt samt. Setti inn nokkrar myndir af Calgary
ferðinni.

2003-02-26T09:44:00.000-08:00

Verkefnaskil nálgast!!
Ég hafði það mjög gott úti í Calgary, -32°c þegar mest var, það var ansi kalt. Ég kom heim dulitið fróðari og hafði heilmikið gagn af. Calgary er heillandi borg, á góðviðrisdegi er útsýni yfir að Klettafjöllunum. Fórum dagsferð upp í Banff og tókum kláf upp á einn toppinn. Frábært útsýni.
Ég ætlaði að vera dugleg að skrifa úti í dagbókina, á meðan á dvölinni stóð, en það varð einhvernveginn ekkert úr því.
Búin að hanna eitt vefrally, tæknisagan er á vefnum mínum. Nú er bara að tengja saman viðameiri vef, þetta smákemur allt saman.
kv.
Berglind

2003-02-18T15:15:00.000-08:00

Er ekki með hugann alveg nógu mikið við námið eins og er. Er að fara til Kanada, Calgary, á morgun og á sú ferð á hug minn allan, þessa stundina. Ég ætla að reyna að finna netkaffi og setja inn á bloggsíðuna mína eitthvað gáfulegt, en það kemur bara í ljós í hversu miklu magni það verður. Verð viku í burtu. Segi ykkur allt um þetta seinna. Góða ferð á UT2003. Full af spenningi kveð ég að sinni
Berglind

2003-02-16T05:12:00.000-08:00

Laugardagsmorgnar!!
Ég hef nú ekki getað nýtt mér þá vegna anna við aðra hluti. Ég er nokkuð "lost" í þessu öllu saman. Dreamweaver er að gera út af við mig, er ekki alveg að fatta hvernig hlutirnir virka, vantar meiri kennslu. Fireworks, kann að minnka og stækka myndir, kroppa af þeim. Og þar með er það upp talið. Vantar líka meiri kennslu í því, gat ekki nýtt mér Björn á laugardaginn. En er að reyna að vera jákvæð, þetta vonandi hefst, spurning bara hvenær!!
kv.
Berglind

2003-02-04T01:20:00.000-08:00

Jæja nú er ég búin að laga síðuna mína, hún datt út í gærkveldi og uppi varð fótur og fit. Ég hélt að ég væri búin að klúðra öllu og væri á byrjunarreit. Dulítið taugaveikluð, skiljiðið!! En nú er Vefrallýið komið á sinn stað og ég bætti líka Tæknisögunni við, þó var ég búin að setja hana inn á bloggið. Jæja þetta fékk farsælan endi.
Mér finnst spjallgluggarnir sem svo margir eru komnir með á bloggið sitt alveg stórsniðugt, ég er bara ekki nógu klár í html máli til að vita hvar skuli setja hvaða skipun hvar!! Það væri nú ekki leiðinlegt ef einvher væri til að leiðbeina mér
kv.
Berglind

2003-02-01T10:52:00.000-08:00

Hugmynd að vefrally. Það er nokkuð áhugavert að láta nemendur 8. -10. bekk vafra um ÍTR og skoða þá síðu. Margir krakkar á þessuma aldri stunda félagsmiðstöðvar, fara á skíði og notfæra sér sundlaugar borgarinnar.
Ég var búin að útbúa vefrallýið og setja það inn á síðuna mína. Eitthvað gengur illa að koma því út svo að þetta verður að duga í bili.
Þangað til, góða helgi.
Berglind

2003-01-30T11:58:00.000-08:00

Tæknisaga mín

Mín fyrstu kynni af tölvum var þegar ég var nemandi í Fjölbrautaskólanum í Breiðholti 1983-1987. Ég skráði mig á tölvubraut hjá Salvöru Gissurardóttur. Þá, hafði ég aldrei snert tölvu.

Ekki get ég nú sagt að ég hafi notað tölvur mikið fyrst eftir að ég útskrifaðist úr FB. Í Kennó var ég að hugsa um allt aðra hluti, og þegar Íslenska menntanetið reið sér til rúms þá tók ég ekki þátt í því að læra á það heldur skráði mig á aðra kúrsa sem mér þótti þá mun áhugaverðari.

Árið 1991 þá fór ég að vinna í Ísafoldaprentsmiðju, í bókhaldi, og var bókhaldið allt tölvufært. Þá fór áhugi minn á tölvum aftur vaxandi. Um það leyti fengum við okkar fyrstu heimilistölvuna. Í kjölfarið fór ég á smá námskeið hjá Tölvu- og verkfræðiþjónustunni (1995) að læra vefsíðugerð og vefpóst.
Í Hólabrekkuskóla, þar sem ég er að kenna, voru tölvur aðgengilegar og ég fór að nota tölvurpóst í auknum mæli en þó aldrei heima hjá mér fyrr en seinna.
Mikið hefur breyst. Á undanförnum þremur árum hefur tölvukunnátta mín aukist og með auknum áhuga og lærdómi hef ég breytt um starfsvettvang innan skólans, og sinni nú, í hlutastarfi, deildastjórn í tölvum. Tæknibúnaður hefur stóraukist. Í tölvuveri skólans, þar sem ég eyði mesta tíma mínum, erum við með stóran snertiskjá, skjávarpa, prentara og skanna, sem ekki var í fyrra. Ég hef aðgang að tveim digital myndavélum og nú nýlega, digital upptökuvél, sem þjónar bæði því hlutverki að vera ljósmyndavél og upptökuvél. Einnig voru að bætast við hjá okkur fleiri skjávarpar.
Það er mitt kappsmál að kunna á allt, eða sem flesta hluti og alltaf er ég að læra eitthvað nýtt.

Tæknibúnaður heimilisins:
1991 fengum við okkur örbylgjuofn, eins og flestir aðrir Íslendingar. Við vorum náttúrulega flott á því og fengum okkur ofn með stafrænum tölum. Má segja að það hafi verið fyrsta tækið sem innihélt einhvers konar “tölvukubb”.
Frá því að við keyptum okkur fyrst heimilistölvu, 1992, þá hefur nú margt breyst. Í dag eru þrjár tölvur á heimilinu, ein PC með brennara og DVD drifi, fínan prentara og tvær fartölvur. Þrír meðlimir fjölskyldunnar, ég, Reynir, og Kristjana Björg, dóttir okkar, erum öll með farsíma. Sl. vetur fengum við ADSL tengingu og var mikill munur þegar það kom inn. Bíllinn okkar er að hluta til tölvustýrður og dóttirinn fékk DVD spilara í femingargjöf. Nú, svo má ekki gleyma baðvoginni.

Yngsti meðlimurinn, Ólafur tæplega fjögurra ára, er orðin nokkuð harður tölvunotandi. Það er stundum til vandræða hvað hann sækist í tölvuna. Hann er óragur við að prófa sig áfram og hefur gaman að leika sér í einföldum tölvuleikjum/forritum. Hann er þó svo heppinn að fá að sitja með stóru systur sinni við tölvuna, því annars fengi hann ekki að snerta hana í svo miklum mæli.

Í dag eru tölvur orðnar svo mikill þáttur í mínu lífi. Ég kenni á tölvur og er mjög upptekinn af póstinum mínum. Farsíminn, ómissandi, ...hvernig fór ég að hér áður fyrr??? Ekki óeðlileg spurning því allt þetta er orðið svo ómissandi í hinu daglega lífi.

Það er alveg ótrúlegt hvað líf mitt hefur tæknivæðst á ekki lengri tíma og raun ber vitni.
Þegar ég fór að velta þessum hlutum fyrir mér þá varð ég alveg undrandi hvað tækninni hefur fleytt fram. Í byrjun þá fannst mér eins og hefði ekki frá miklu að segja, en það er nú öðru nær. Þróunin er ör og óneitanlega veltir maður framtíðinni fyrir sér. Hvað tekur við næst?

Framtíðarsýn
Ég sé fyrir mér að allir kennarar verði komnir með sína eigin tölvu og jafnvel prentara. Í skólanum mínum erum við farin að fikra okkur upp á við, hluti af kennurum eru komnir með draumaaðstöðu í skólastofu sinni: tölvu og prentara. Ég vil sjá skjávarpa í sem flestum stofum og ekki væri leiðinlegt að hafa snertiskjá í fleiri stofum en í tölvuveri.

2003-01-30T06:14:00.000-08:00

Mér tókst loksins að setja vefsíðuna mína út á vefinn á gærkveldi. Ég var búin að reyna allt sem ég kunni og skyldi ekki hvaða vitleysu ég væri að gera. Að lokum fékk ég mág minn til að koma og bjarga mér. Ég veit ekki hvað það var, en hann gerði, að mér sýndist, það sama og ég var búin að vera gera. En kannski af því að hann er karlmaður. Er ekki jafnrétt?? Án gríns þá er ég mjög ánægð með þetta. Ég þakka honum ákaflega vel fyrir, enda fær á sínu sviði. Nú er að læra betur á Fireworks. Vonandi verða einhverjir í skólanum, á þeim laugardögum sem við höfum til umráða, í tölvuveri sem geta miðlað þekkingu sinni.
kv.
Berglind

2003-01-25T09:21:00.000-08:00

Halló öllsömul!
Hér kemur kynningin mín.
Ég heiti Berglind Arndal Ásmundsdóttir, fæddist á Húsavík 22. september 1966. Ég ólst upp í Mývatnssveit frá 6 - 15 ára og fór í gegnum barnaskólann á Skútustöðum. Eftir það hef ég búið í Reykjavík. Fyrir 6 ára aldurinn bjuggum við fyrst hér í Reykjavík svo tvö og hálft ár í Essen í Þýskalandi.
Ég útskrifaðist sem stúdent frá FB jólin 1987 af verslunar- og tölvubraut. Ekki nýtti ég mér það neitt frekar heldur settist ég á skólabekk í KHÍ og útskifaðist þaðan vorið 1994, með Kristinfræði og Lífræði í val.

Ég hef unnið í Hólabrekkuskóla sl. 8 ár við kennslu eða alveg frá því að ég útskrifaðist frá KHÍ. Fyrstu 6 árin gegndi ég starfi umsjónakennarans og kenndi á miðstigi. Sl. tvö ár hef ég verið að þreyfa fyrir mér í skólanum og gegni ég nú starfi deildastjóra í tölvum, ásamt því að kenna íslensku í 6. bekk og er einnig umsjónakennari þeirra.
Þegar ég fann að mig langaði að breyta aðeins til fór ég ,til að byrja með, í Tölvu- og verkfræðiþjónustuna og fór í gegnum áfangann "Tölvuumsjón í nútímarekstri" Það var fín upprifjun ofan á það sem ég hafði fyrir.

Nú svona að lokum, mínir persónulegu hagir:
Ég er gift, Reyni Ólafssyni við eigum tvö börn. Stúlku, Kristjönu Björgu, 14 ára(fædd 1988) og strák, Ólaf Arndal, hann verður 4 ára í apríl

2003-01-25T07:03:00.000-08:00

Loksins tókst mér að setja mynd af mér inn á. Enn veit ég ekki alveg hvernig á að setja inn nýjan borða sem titil, en ég skal komast því!!!!

2003-01-24T08:13:00.000-08:00

Ég sat í allt gærkveldi og var að byrja á minni persónulegu heimasíðu. Ótrúlegt hvað lekur út úr hausnum á manni á ekki lengri tíma, þ.e. ef maður situr ekki alveg við og æfir sig. En síðan lofar góðu, held ég.
Nú þarf ég að vinna í því að setja myndir inn á bloggsíðuna mína, þetta er allt í vinnslu.
Hvað sagði Sólveig aftur: Kemst þó hægt fari!!!

2003-01-23T09:05:00.000-08:00

Ég er að prufa hvort þetta virki ekki örugglega hjá mér. Er dulítið í lausu lofti, en þetta kemur allt saman "I can do it!"

2003-01-15T06:44:00.000-08:00

Halló öll,
þetta gæti virkað ágætlega, nú er bara að skrifa eitthvað gáfulegt